ရဲရင့်ခြင်းသာ အောင်နိုင်ရာ

ရဲရင့်ခြင်းသာ အောင်နိုင်ရာ

----------------------------------

စစ်ကောင်စီဟာ

သူတို့ပြုခဲ့တဲ့ အဓမ္မအမှုကိစ္စကို

ဘယ်သူမှဖော်စရာမလိုဘဲ

ကိုယ်တိုင် စိတ်လိုလက်ရဝန်ခံရတဲ့အထိ

သူတို့ရဲ့ စိတ်နဲ့ခန္ဓာကို

အကုသိုလ်တရားက လွှမ်းမိုးနေပြီ

ငါဟာ သေလူပဲလို့

လူဟာ နေဖို့ထက် သေဖို့ပဲ

သေချာလာပြီလို့ တွေးလာတဲ့အခါ

ဘာမဆိုလုပ်တော့တာပဲ

သူ့ရဲ့ နောက်ဆုံးမိနစ်ထိ ရသမျှ

အကုန်ဆွဲခေါ်သွားလိမ့်မယ်

အမိမခံကြနဲ့

အပါမခံကြနဲ့

ရှင်သန်ပါ

တော်လှန်ပါ

တည်းတည်းလေး ကျန်တော့တဲ့

အဆိပ်ပင်ကို အားကုန်

ဝိုင်းနှုတ်ပစ်လိုက်ရအောင်

ခံရဲတဲ့သူတွေက ပိုပိုပြီး ရဲရင့်လာလိမ့်မယ်

လုပ်ရဲတဲ့ သူတွေက

ပိုပိုပြီး ကြောက်ရွံ့နေကြရလိမ့်မယ်

ကြောက်ရွံ့ခြင်းသာ ရှုံးနိမ့်ရာ

ရဲရင့်ခြင်းသာ အောင်နိုင်ရာ

San Zuren 🌸