နိုင်ငံတော်သီချင်း - ၂၁
နိုင်ငံတော်က ည၀တ်အင်္ကျီ အစင်းကြားလေးနဲ့
ငါ့ဘေးမှာ လာထိုင်တယ်။
စီးကရက်တစ်လိပ် တောင်းသောက်တယ်။
အသက်ကြီးလာလို့ ထင်တယ် အိပ်လို့မရဘူးဗျာ။
အဝေးမှာ ရထားလာနေတဲ့အသံ
မှောင်နေတဲ့ တိုက်ခန်းတွေ
ရုတ်တရက် ငါ့လက်ညှိုးကိုယူပြီး
သူ့နားထင်မှာ တေ့ထားတယ်
အဲ့ဒီနောက် စကားမရှိ စီးကရက်ကုန်သွားတော့
ငါတို့ နှုတ်ဆက်လိုက်ပြီး
သူက ငါ့အခန်းကိုပြန်တယ်
ငါက သူ့အခန်းဆီပြန်တယ်
သင်၏ အိပ်၍မပျော်သော နိုင်ငံတော်။
#အောင်ခင်မြင့်
Hello.
ReplyDelete