စစ်ပွဲ 

--------

စစ်တိုက်ပြီဆိုရင်

ရှုံးချင်လို့ တိုက်ကြတယ်မရှိဘူး

နိုင်ချင်လို့ တိုက်ကြတာချည်းပါပဲ

​စစ်ဖြစ်ရင် သူနိုင်ကိုယ်နိုင်

တိုက်ကြပြီး

တရားတယ် မတရားတယ်

ဓမ္မ အဓမ္မ ဆိုတာ

စစ်ပွဲတွေ ပြင်းထန်လာရင်

အရေးသိပ်မပါတော့ဘူး

သေဆုံးကြ/ ပေးဆပ်ကြရသူတွေကတော့

အများစုက အရပ်သားတွေပါ

ဗုံးမိုးရွာရင် တစ်ရွာလုံး

တစ်မြို့လုံးပျက်စီးပြီးတော့

လူတွေ ထောင်ပေါင်းများစွာ

သေကျေပျက်စီးခဲ့ရတာမျိုးကိုကျ

သိပ်လူမသိကြဘူး

ဘယ်သူမှ  မျှော်လင့်မထားတဲ့

တိုက်စစ်တွေက

စစ်ပွဲတွေရဲ့ မြန်ဆန်တဲ့ အနိုင်အရှုံးကို

ဆုံးဖြတ်လေ့ရှိတယ်

နိုင်ချင်တိုင်းနိုင်မယ် ထင်တိုင်းတော့

စစ်နိုင်တာမဟုတ်ဘူး

နောက်ဆုံးတော့ 

စစ်ရေးမှာ

ခေါင်းဆောင်မှုကောင်းတဲ့ဘက်က

ဆုံးဖြတ်ချက်ကောင်းတဲ့ဘက်က

ဗျူဟာကောင်းတဲ့ဘက်က

အင်အားကောင်းတဲ့ဘက်က

နိုင်ကြတာပါ

San Zuren 🌸