ကြက် ဥ

ကြက်ဥဟာ အမြဲရွေးရတယ်

အိမ်တစ်အိမ်မှာ လူဘယ်နှယောက် ကြက်ဥဘယ်နှလုံး

မဆိုစလောက်လေး မသိမသာလေး

ယောင်ယောင်လေးဆိုလည်း အရွယ်အစား အတော်ခြားနားသလို တော်တော်ရွေးယူရတယ်

နောက်တစ်လုံးကိုမျက်စိကျမိတော့

ရွေးပြီးသားကိုပြန်ချတယ်

ဆ ကြည့်တယ်

ခုနကပြန်ချမိတဲ့ကြက်ဥကိုပြန်ကောက်မယ်လုပ်တော့

ဘယ်ကြက်ဥလည်းမသိတော့ဘူး ဖြစ်ရတယ်

ဒါနဲ့ လက်သင့်ရာကောက်ထည့်လိုက်တယ်

လမ်းမှာတွေ့သမျှကြက်ဥတွေကို ကြည့်ကြည့်သွားသေးတယ်

ကြက်ဥဟာ ဘဝတစ်လျောက်လုံး တစ်ကိုယ်တည်းခွဲထွက်လည်း

ဘဝတစ်လျောက်လုံး ဘယ်မှရောက်ခဲ့ပုံမရ

အိမ်ရောက်တော့လည်း အကုန်လုံးကိုဖောက်ပြီး မွှေကြော်လိုက်တာပါပဲ

ဘယ်သူဟာ ဘယ်ကြက်ဥရသွားလဲ ကျွန်တော်လည်းမသိတော့ဘူး ။  ။

#စိုင်းဝင်းမြင့်

၆ ၂ ၂၀၁၉

ရန်ကုန်