"အာဇာနည်မျိုး သေရိုးမရှိ"

"အာဇာနည်မျိုး သေရိုးမရှိ" 

ဒေါင်းအလံ ကျောင်းယံတလွှားမှာဖြင့်

ကောင်းအကြံ ပေါင်းရန်ထားပါလို့

အကြောင်းမှန် စကားလည်း ဆိုနေပေါ့

ညီအစ်ကိုတွေ နီစို့သွေးတွေနဲ့

ဒီမိုကရေစီ ဒို့အရေးပါတဲ့

ဟစ်ကြွေးကာ ဒေါင်းအဖော်များရယ်ကွယ်

ကျောင်းတော်သားတွေက တွန်သံကြူး ။ ။

သြော်..

ဘဝအကျိုးပေးလေလား

`ဖ´တဆိုးလေးတွေ ပထွေးလက်ထက်မှာတော့

သွေးပျက်စရာ အမှောင်တွင်းဆီသို့

ထောင်သွင်းကာ နောင်ဆိုမှတ်စေဖို့

အတောင်ကိုဖြတ် လည်ကိုလိမ်လို့

ဘယ်လိုနှိမ် ဘယ်လိုသတ်သော်လည်း

တကယ်ကိုမရပ်တဲ့ ဘာမထီပါ

အာဇာနည်ဟာ နှစ်ခါမသေဘူး

ဗမာပြည်မှာ ကမ္ဘာမကြေဘူး။

အပေါင်းအသင်းတို့ရေ

အဟောင်းအမြင် အသိုးတွေ ရန်နှောက်ပါလို့

မကောင်းသတင်းအမျိုးမျိုးတွေ တန်ပြန်ခြောက်စေဦး

ဒေါင်းမင်းအိုးဝေအလံအောက်မှာဖြင့်

အသံမပျောက်စေကြောင်း။

ဟေ့..

ကပြီဆို တကယ်လှတဲ့ဒေါင်း

ချပြီဆို တကယ်ချမယ့်ဒေါင်း။

-မင်းလူ