လွတ်လပ်ခြင်းဟာ ချစ်ခြင်းတရားလိုပဲ
သိပ်အဖိုးတန်တော့လဲ ခက်ခက်ခဲခဲ
ကြိုးစားခဲ့ရတာ ငါတို့တွေ ပြောကြမယ်
ဒီမိုကရေစီဆိုတာ လွယ်လွယ်ရခဲ့တာမဟုတ် အသက်သွးချွေးများစွာ ပေးဆပ်ခဲ့ပြီးမှ ဖြစ်လာတယ်ဆိုတာ ငါတို့တွေ ပြောကြမယ်
စစ်ကို မလိုလားပေမယ့် ငြိမ်းချမ်းရေးအတွက် တိုင်းပြည်သစ်အတွက် တိုက်ပွဲတွေ ဖြစ်လာရတယ်ဆိုတာ ငါတို့တွေ ပြောကြမယ်
ဓမ္မနဲ့ အဓမ္မဟာ အင်အားသာဖြစ်ပြီး
ကိုယ်ခြင်းစာတရားမရှိရင် ဘယ်တရားကိုမှ မယုံကြည်ကြဖို့ ငါတို့တွေ ပြောကြမယ်
အင်အားဟာ သေနတ်ပြောင်းဝက ထွက်ပေမယ့် လူထုက အုပ်ချုပ် မခံလိုဘူးဆိုရင် အခိုင်မာဆုံး စစ်တပ်ရှိလဲ အုပ်ချုပ်လို့မရဘူးဆိုတာ ငါတို့တွေ ပြောကြမယ်
ငါတို့တွေ ဆက်ရပ်တည်ဖို့ အားအင်တွေ
ကုန်ခမ်းလာတဲ့အခါတောင်မှ စစ်အာဏာရှင်စနစ် အမြစ်ပြတ်ဖို့ အဆုံးထိသွားခဲ့တာ ငါတို့တွေ ပြောကြမယ်
သေသူဟာ လွတ်မြှောက်သွားပြီး ရှင်သူက နောက်မျိုးဆက်အတွက် တိုက်ပွဲဝင်ခဲ့တာ
ပေါ့ပေါ့ပါးပါး ရီရီမောမောနဲ့ ငါတို့တွေ ပြောကြမယ်
San Zuren 🌸
No comments:
Post a Comment