"ဆည်းဆာ"
စီးဆင်းနေသော မြစ်၏နံဘေးတွင်
လွမ်းဆွေးနေသည့် ကမ်းပါးတွေရှိသည်။
တစ်ဦးနှင့်တစ်ဦး အမှန်ချစ်လျှင်
ငှက်ကလေးတွေပင်
အတူပျံသန်းခွင့် ရပါသည်။
တခါရံ၌ တိမ်တွေလှပခဲ့သည်ကို
တဘဝလုံး မျှော်တွေး၍
ကောင်းကင် ငေးသူ။
အဝေးမှညနေသည်
အတောင်ပါသော အလွမ်းများပင်ဖြစ်သည်။
ချစ်သူချင်းပေါင်းရသော ကမ္ဘာ၌သာ
လူ အဖြစ်ကို ကျွန်တော်ရလိုသည်။
ချစ်သူချင်းပေါင်းရသော ကမ္ဘာ၌သာ
လူ့ အဖြစ် ကိုကျွန်တော်ရလိုသည်။
- မောင်သိန်းဇော်
No comments:
Post a Comment