ငါ့မှာ စောက်အသည်းက ကွဲရသေးတယ်
________________________________
လူဟာ မီးကိုရှာတွေ့ရုံနဲ့မလုံလောက်လို့
ဓာတ်ဆီကိုရှာကြ
လကမ္ဘာတွေဘာတွေခြေချ
ဘယ်ဂြိုလ်တွေမှာ သက်ရှိတွေ ရှိသေးလည်းရှာကြနဲ့
ကိုယ့်ဘေးခန်းမှာ ဘယ်သူတွေနေတာတောင် မသိကြတော့
ညထဲ ပျောက်သောသူရှာရင်း
ကိုယ့်ကိုကိုယ်ပြန်မတွေ့ရတော့သလို
တိုင်ပတ်ကြတဲ့အခါ
ငါ့မှာ စောက်အသည်းက ကွဲရသေးတယ်
ဘဝဆိုတာလည်း
မိန်းမတစ်ယောက်ကိုချစ်ရသလိုပဲ
တိုင်တန်းနစ်ပေါ်မှာ ကိတ်ဝင်းဆလတ်ကြီးနဲ့ လိင်ဆက်ဆံရလို့
စောက်ရမ်းတွေ ဂျလန်းသလိုနဲ့
ခဏနေ သင်္ဘောမှောက်တော့တာပဲ
ကြိုးစားရင်ဘုရားဖြစ်တယ်ဆိုလည်း
ဘုရားဖြစ်မယ့်သူကြိုးစားမှ ဘုရားဖြစ်တာပဲ
အကောင်းဆုံး ဂိုးတွေဆိုတာ
ကြက်တွေပါပဲလို့ သိလိုက်ရသလို
ငါ့မှာ စောက်အသည်းက ကွဲရသေးတယ်
လွတ်လပ်မျှတပြီး
လူလိုတန်ဖိုးထားတတ်တဲ့ တိုင်းပြည်မှာ သွားနေချင်တာမဟုတ်ဘူး
ကိုယ့်တိုင်းပြည်ကို အဲဒီလို ဖြစ်စေချင်တာ
လောလောဆယ်တော့
မီးပွိုင့်မှာ ဘဝတွေပိတ်နေတယ်
ရန်ကုန်မြို့လည်ကောင်ကြီး
သေနတ်သံတချက်မှ မကြားရပါပဲ
စစ်ဘေး ဒုက္ခသည်တယောက်လို
ငါ့မှာ စောက်အသည်းက ကွဲရသေးတယ်
''အချစ်က
ရွှီရှောင်ခံစားချက်သက်သက်မဟုတ်ဘူး
စနစ်တကျ တည်ဆောက်ယူရတာ''
ဆရာမကြီးတော်ကီတွေပစ်ပစ်ပြီး
ပလိန်းကြီး ငါ့ကိုထားခဲ့လို့
လင်ယူသွားတဲ့ဟာမကြောင့်
ငါ့မှာ စောက်အသည်းကကွဲရသေးတယ်
နင့်ကောင်ကရေလျှံတယ်လား
နင့်ကောင် အမြီးရှည်တယ်လား
တကယ်တော့ နင့်ကောင်စိတ်ဓာတ်က
နုံချာလို့ အမြီးမပါတဲ့ ကြောင်လို
ကြုံရာနို့စို့ပြီးကြီးလာတဲ့ကောင်ပဲမို့လား
ငါ့မှာ သွားမရှိလို့မာန်ပဲဖီနေရတဲ့ခွေးတကောင်လို အရူးချီးပန်းနဲ့
ငါ့မှာစောက်အသည်းက ကွဲရသေးတယ်
ကြားဖူးတာက
အချစ်ဆိုတာ ဘဝရဲ့အလင်းရောင်ပဲတဲ့
အိမ်ထောင်ရေးကတော့ အဲဒီအလင်းရောင်အတွက်
ဆောင်ရမယ့်မီတာခပဲတဲ့
မှောင်ကြီးမဲမဲထဲ
ငါ့မှာ စောက်အသည်းက ကွဲရသေးတယ်
မိုးကြိုးပဲပစ်ပစ် မြွေပွေးပဲကိုက်ကိုက်
ငါဂန့်တာ မလွမ်းလောက်ပေမယ့်
ကွင်းပိုင်ကြီးကို မပူဇော်လို့လို့ လူတွေပွားကြတဲ့အခါ
ငါ့မှာ စောက်အသည်းက ကွဲရသေးတယ်။
-ကြည်မျိုးအောင်
No comments:
Post a Comment