သေတမ်းစာ
အမြဲ သေနတ်ကိုင်မယ် တရဲရဲတကျက်ကျက်
မင်းသတ္တိကိုချီးကျုးတာနဲ့အတူ
နောက်ကွယ်က ကြိုးကိုင်တဲ့စွဲလမ်းခြင်းအတ္တ
ရင်ထဲပေါက်လာတဲ့ မီးပွားများရယ်
ဖုန်းမြည်သံတစ်ဖက်မှာ
သူမ အားနာနာနဲ့ပဲပြောခဲ့တဲ့ ဤစကား
မီးလောင်ရာ လေပင့်လို့ပဲ
ရင်ထဲက အချစ်တောအုပ်မီးစွဲသွားခဲ့ပြီလား
အဆုတ်ထဲ နီကိုတင်းငွေ့တွေဖြည့်
အစာအိမ်ထဲမယ် ဇိမ်ခံရည်တွေဖောင်းပွလို့ပေါ့
လက်ကတော့ ဆက်ဆက်၍ရေးနေတဲ့
တစ်ရွှက်ပြီးတစ်ရွှက်သော ကဗျာညံ့တွေ
ဪ တောအုပ်မီးလည်း မငြိမ်းနိုင်သေးပေဘူး
အရက်တွေ စစ်ကူလိုက်ပြန်ဦး
"ဖျောက်"
ခြောက်အိပ်မက်တွေလား
မင်းမရှိတော့ဘူးတဲ့ကွာ
ကဗျာ
ကဗျာ
ကဗျာတွေ...
ရင်ထဲက တောအုပ်လည်း ပြာပုံသာသာပဲ စွဲထင်ပေလေရဲ့
မက်ဆေ့ခ်ျ တစ်ချက်အဝင်
အိပ်မက်ဆိုးတောင် မဟုတ်ပြန်ဘူးလေတဲ့
သွေးကြွေးသီချင်းတွေ ဟစ်ကာဆိုလို့
မင်းအနားမှာ ငိုနေတဲ့မိသားစုဝင်တွေကြား
တိုးလို့မဝင်
ငါ့Existenceပျောက်ဆုံးသွားပြီ
ငါဟာ ဘာဆိုဘာရယ်
မကျန်တော့ဘူးရယ်
မင်းစတိုင်လ်လုပ်ရိုက်ခဲ့တဲ့ ဓါတ်ပုံထဲက သေနတ်လေးတွေ့တော့ ငါခိုးလာတယ်
ခေါင်းတိုင်ကနေ မီးခိုးတွေဝဲလို့သွားပြီ
ငါလာပြီအချစ်ရေ
“ဒိုင်း”
#Tommy
No comments:
Post a Comment