အမေ့ဆီသို့ ပြန်စာ

အာဏာရှင်ပေးတဲ့ ငြိမ်းချမ်းရေးဆိုတာ

ဆေး မတိုးတော့တဲ့ ရောဂါပဲ အမေ

ငြိမ်းချမ်းရေးကို မူးယစ်ဆေးလို

စွဲလမ်းခဲ့ရတဲ့ လူငယ်တစ်ယောက်မှာ

သောတာပန် ဖြစ်ဖို့အရေး 

ကျ​နော် မတွေးနိုင်သေးဘူး အမေ...။

နာကြည်းချက်ကို အရက်ပြန် လောင်း

မိုးနဲ့ ဆောင်းကိုလည်း ကျနော်

ထပ် အန်တု ရဦးမှာမို့

အမေရေ.....

ကိုယ့်ရွာလေး မီးလောင်

ဘုရားကျောင်းဆောင်တွေ ပါကုန်ချိန်

အမေနဲ့ ရွာဆီ သား မရောက်နိုင်ခဲ့တာ

သားမိုက်ကိုလည်း ခွင့်လွှတ်ရှာပါတော့... ။

ဒီတော်လှန်ရေးကြီး ပြီးရင်တော့

အမေ့ကိုလည်း လုပ်ကျွေးပြုမယ်

အဆင်မပြေမှု ကြားထဲ

ပေါင်ထားခဲ့ရတဲ့ လယ်လေးကိုလည်း

သား ပြန်ရွေးပေးပါမယ်

ပြာပုံထဲ ပျောက်ရှ သွားတဲ့

အဖေ့ပုံလေးကိုတော့ သားပြန်လာမှာပဲ

ထပ်ရှာ​ကြည့်ဦးမယ် အမေ။

# သျှမ်း