မွန်းကြပ်ခြင်း စက္ကန့်များ

ကော်ဖီခွက်တွေမရှိတဲ့အိမ်မှာ ငါမနေလိုဘူး

ဗလာသက်သက် စကားလုံးများကိုပြောတဲ့သူတွေအသံ ငါမကြားလိုဘူး

အရောင်မရှိတဲ့ ပန်းချီကားနဲ့အပြုံးတွေပန်ဆင်သူတွေ စိုက်တဲ့ပန်းအနံ့ ငါမမွှေးလိုဘူး

ကတ္တရာလမ်းပေါ်လျှောက်လိုက်ရင်း

ဖွာလိုက်တဲ့ စီးကရက်ပြာတွေမှာ

ငါ့ကဗျာတွေပြုတ်ကျသွားမှာစိုးလို

မျောချလိုက်တဲ့ အရက်နဲ့အတူ

အမှတ်တရတွေအစာကြေသွားမှာစိုးလို

ရေးပြီးရင်းရေးနေတဲ့ ဘောပင်မှာ

မင်ကုန်သွားမှာစိုးလို

ဖိစီးနေတဲ့ ကြောက်စိတ်ကို

တိုးတိုးလေးထွက်လာတဲ့ တေးသံက ရပ်တန့်သွားမှာစိုးလို

လူမပီသတော့ဘူးဆိုရင်

ဘာဆက်လုပ်ကြရပါ့မလဲ

ဪ...ကမ္ဘာကြီးက စီရင်ချက်ချပါမယ်

ဆန်

ကုန်

မြေ

လေး

မွန်းကြပ်သော ထိုစက္ကန့်လေးတွေ

ကျွန်တော်အိမ်ပြန်ချင်တယ် အမေ

#Tommy