မျက်ရည်

ငါ့မျက်လုံးနဲ့ အဆုံးသတ်လို့မရအောင်

ရှုမျှော်ခင်းက ရှည်လျားပြန့်ကားတယ် ။

ငါ့ဘဝလေးနဲ့ သယ်ဆောင်သွားလို့မရအောင်

ချစ်ခြင်းမေတ္တာက လေးလံကြီးမားတယ် ။

ငါ မက်နေတဲ့ အိပ်မက်ကလည်း

ငါ့ရဲ့ညနဲ့ မဆုံတော့ဘူး ။

ငါ ရွေးချယ်ခဲ့တဲ့ ဝဋ်ကြွေးတွေကလည်း

ငါ့ရဲ့နေ့နဲ့ ပေးချေလို့ မကျေတော့ဘူး ။

အချစ်ရေ....

ငါတို့ အတူနေမယ် ဆိုတဲ့ အိမ်လေးဟာလေ

ဒီဘဝနဲ့ မရောက်ရှိနိုင်တော့အောင်

ဝေးကွာလွန်းလှချည်ရဲ့ကွယ် ။ ။

_စိုင်းဝင်းမြင့်