ကုလသမဂ္ဂ လူ့အခွင့်အရေးကောင်စီ (UNHRC)အနေနဲ့  အကြမ်းဖက်စစ်တပ် ကျူးလွန်ခဲ့တဲ့ ကျူးလွန်နေတဲ့ ရာဇဝတ်မှုများအပေါ်  စာထုတ်တာတွေ  အပြောနဲ့ စိုးရိမ်နေတာတွေကို ရပ်ပြီး တကယ် အရေးယူဖို့ တောင်းဆိုတဲ့ petition ပါ။ 

Deadline - 22.3.2022 မြန်မာအချိန်ည ၁၂နာရီ (ထပ်တိုး edited)

Target     -  အနည်းဆုံး 150000 (၁ သိန်းခွဲ)

Petition link - https://chng.it/6L4DgmCf

ယခုလက်ရှိ လက်နက်အားကိုး အာဏာလုထားတဲ့ အကြမ်းဖက်စစ်တပ်ဟာ ၂၀၂၁ ဖေဖော်ဝါရီ ၁ ရက် အာဏာမသိမ်းခင်အချိန်ထဲက နှစ်ပေါင်းများစွာ လူမျိုးစု ပြည်နယ်ဒေသတွေနဲ့  ရိုဟင်ဂျာလူမျိုးစုတွေအပေါ် လူ့အခွင့်အရေး ချိုးဖောက်မှုများစွာ ကျူးလွန်ခဲ့ပါတယ်။ အာဏာလုပြီး နောက်ပိုင်းမှာတော့ တစ်နိုင်ငံလုံးက တိုင်းရင်းသားလူမျိုးအားလုံးကို ပေါ်ပေါ်ထင်ထင်ပဲ ကျူးလွန်လာတာပါ။ 

အာဏာသိမ်းကာလ ၁ နှစ်ကျော်အချိန်မှာ  ပြည်သူလူဦးရေ ၂၀၀၀ ကျော် (အရေတွက်ဆက်တိုးနေ) မှာ အနည်းဆုံး ကလေး ၁၀၀ ဉီး အပါအဝင် အကြမ်းဖက် သတ်ဖြတ်ခံထားရပြီး ၁၂၅၀၀ ကျော် (အရေတွက်ဆက်တိုးနေ) ဖမ်းဆီးထိမ်းသိမ်းခံထားရကာ ၂၀၀၀ နီးပါး (အရေတွက်ဆက်တိုးနေ) လည်း ဖမ်းဝရမ်းထုတ်ခံထားရပါတယ်။ 

ယခု petition ကတော့ ဒီလို လူ့အခွင့်အရေး အပြင်းအထန် ကျူးလွန်ချိုး‌ဖောက်နေတဲ့ အကြမ်းဖက်စစ်အုပ်စုကို အရေးယူဆောင်ရွက်နိုင်ရေးအတွက်  အချက် ၄ ချက်ပါ တောင်းဆိုချက်များကို ပြည်သူလူထုမှ တောင်းဆိုသော လတ်မှတ်အရေအတွက်နှင့်တကွ ကုလသမဂ္ဂ လူ့အခွင့်အရေးကောင်စီ  UNHCRကို ပေးပို့မှာဖြစ်ပါတယ်။ 

၁။ ယုတ်မာရက်စက်သောရာဇဝတ်မှုများအတွက် ကုလသမဂ္ဂမှ အခွင့်အာဏာအပ်နှင်းထားသော တရားစီရင်ရေးကို တည်ထောင်ခြင်းဖြင့် မြန်မာနိုင်ငံအတွက် တရားမျှတမှု ရရှိရေး ဘက်ပေါင်းစုံက ဆောင်ရွက်ရန်၊ 

၂။ မြန်မာ့အရေး အခြေအနေများကို ICC သို့ ပို့နိုင်ရန်အတွက် ကုလသမဂ္ဂလုံခြုံရေးကောင်စီမှ ဆုံးဖြတ်ချက်တစ်ခု ချမှတ်ရေး အကြံပြုတိုက်တွန်းရန် 

၃။ ၂၀၀၂ ခုနှစ် ဇူလိုင်လ ၁ ရက်နေ့မှစ၍ မြန်မာနိုင်ငံပိုင်နက်အတွင်း ကျူးလွန်ခဲ့သော နိုင်ငံတကာ ရာဇ၀တ်မှုများနှင့်စပ်လျဉ်း၍ ICC တရားရုံး၏ စီရင်ပိုင်ခွင့်အာဏာကို လက်ခံခြင်းအားဖြင့် ရောမသဘောတူစာချုပ် အပိုဒ် ၁၂(၃) အရ မြန်မာအစိုးရ NUG မှ တင်သွင်းသော ကြေညာချက်ကို လက်ခံရေး ICC အား တောင်းဆိုရန် 

၄။ ကုလသမဂ္ဂအထွေထွေညီလာခံမှ ဆက်လက်အတည်ပြုထားသော NUG အစိုးရ၏ သံအမတ်ကြီး ဦးကျော်မိုးထွန်းကို လူ့အခွင့်အရေးကောင်စီတွင် မြန်မာနိုင်ငံကို ကိုယ်စားပြုနိုင်ရေး  ပံ့ပိုးပေးရန်။

စသည့် အချက်များကို လက်မှတ်ရေးထိုးတောင်းဆိုကြမှာ ဖြစ်လို့ ပြည်သူလူထုအင်အားများစွာနဲ့ ပါဝင်ပေးကြဖို့ တိုက်တွန်းအပ်ပါသည်။

အရေးတော်ပုံ အောင်ရမည်။

#HoldJuntaAccountable

#EndImpunityInMyanmar

#ReferMyanmarToICC

#UN_MustNotFail_Myanmar  

#UNHRC_TakeAction

#HRC49

#BloodMoneyCampaignMM