ဒီတော်လှန်ရေးမှာ

လူတစ်ချို့ဟာ

ကြွယ်ဝချမ်းသာပေမဲ့

လှူဖို့ တွန့်တိုကြတယ်

အတ္တကြီးတယ် 

ကိုယ့်ကိုထိမှာ နာကြတယ်

အာဏာရှင်ကို 

အောက်ကျို့ခံတာ

ကျွန်ခံနေလေရဲ့

လူတစ်ချို့ကျတော့

ကိုယ့်ရာထူးတွေကို 

စွန့်တယ် အာဏာဖီဆန်တယ်

သူတို့ရာထူးထက် 

ပြည်သူ့ဘဝက 

ပြည်သူတွေ ကောင်းစားဖို့

ပိုအရေးကြီးတယ်တဲ့

ရင်ထဲက ဂုဏ်ယူပြီး

ဝမ်းမြောက်လို့

မျက်ရည်တောင်ကျမိတယ်

လူတစ်ချို့ကျတော့ 

ကိုယ့်မှာ မရှိပေမဲ့

ပိုပြီး ပေးဆပ်နိုင်လေရဲ့

သိပ်ကို ရဲရင့်တဲ့

ပြည်သူတွေပါဗျာ

လူတစ်ချို့ကျတော့

အာဏာရှင် ယုတ်မာမှုကြောင့်

ထောင်တွင်းမှာ ကိုယ့်ဘဝကို

ပေးဆပ်ထားရလေရဲ့

အချို့တွေကျတော့ 

အာဏာရှင်ကို တိုက်ထုတ်ဖို့

အသက် နှောင်ကြိုးတွေ 

ပေးဆပ်ထားရဲ့

ကိုယ်ကျိုးစွန့် 

အာဇာနည်တွေ လွတ်မြောက်ဖို့

ကျွန်တော်တို့ ကလစ်ကြမယ်

ကူကြမယ်

လှူကြမယ်

ကိုယ့်ဘဝ လက်ကျန်ကို 

လိပ်ပြာလုံစွာ အမှန်တရား 

အတွက် ရပ်တည်နိုင်ကြရမယ်

Zeus