ခေါင်းခွံများအကြောင်း

__________________ (ကေဇဝင်း)

တော်လှန်ရေးက

လေရေမြေ အာဟာရညီမှ ပွင့်တဲ့ ပန်းပဲ

တော်လှန်ရေးမပွင့်ခင်

လမ်းမပေါ် ပွင့်ထွက်သွားနဲ့ ခေါင်းခွံက

စကားတခွန်း ပြောသွားသေးလား

မိစ္ဆာတွေနဲ့ တေ့တေ့ရင်ဆိုင်နေရချိန်မှာ

သဘောထားကြေငြာချက်တွေဟာ အရေးပါသေးလား

ဓားရဲ့တရားဆိုတာ

ဝင့်ရုံနဲ့ မရ၊ ရှေ့တိုးပြီး ခုတ်မှ ရမယ်

တော်လှန်ရေးပဲ

တွေးနေရုံနဲ့ မရ၊ သွေးအတိုင်း ရဲတက်လာမှ ရမယ်

မတွေဝေနဲ့တော့

တော်လှန်ရေးရဲ့စနက်တံဟာ

ခင်ဗျား မဟုတ်ရင် ကျနော်ပဲ ။

-ကေဇဝင်း