နိုင်ငံတော်သီချင်း  (၂၅)

___________________

အာဏာရှင်ရဲ့သုတ်ရည်တစ်စက်ကနေ

ပုံတူမျိုးပွားထားတဲ့စစ်သားတွေ

ဗိုင်အာဂရာမသောက်ရသေးလို့

ပျော့ခွေနေတဲ့ သေနတ်ပြောင်းတွေ

ဒူးမထောက်လက်မမြောက်ပါပဲ

ဘဝတွေဟာဘီးတပ်ကုလားထိုင်ပေါ်မှာ

လက်မောင်းငုံးတိ ပေါင်ငုံးတိနဲ့

ညနေစောင်းလို့စားစရာလုံးလုံးမရှိတဲ့အခါ

ဓားပြတိုက်ကျွေးရသတဲ့

စက်မှုလယ်ယာစနစ်ကိုပြောင်းလိုက်မှ

စက်ရုပ်နွားတွေနဲ့ကောက်စိုက်သမတွေရဲ့

ချီးထုပ်ဇာတ်လမ်းတွေကနောက်ကလိုက်လာပြန်

အသွင်ကူးပြောင်းရေးကာလဆိုတော့

အားလုံးဟာလူလိုလို ခွေးလိုလို

ထမင်းပဲစားရမလိုလို ချီးပဲစားရမလိုလို

သင်၏ ရှေ့သို့တဟုန်ထိုးချီတက်နေသောနိုင်ငံတော်။

-အောင်ခင်မြင့်