"ကာလပျက်"

ခေါင်ပြိုတော့

ဘယ်သူမိုးမလဲ

အိပ်မက်တွေ ခိုကိုးရာမဲ့ကုန်ပြီ။

 အိပ်တန်းဝင်တိုင်း

စိတ်မီး မငြိမ်းနိုင်ဘူး

အရုဏ်ကျင်းတိုင်း

အမာရွတ်ကို စမ်းနေမိတယ်။

ကမ္ဘာမီးလောင်တော့

သားကောင်နံ့တွေ သင်းလိုက်ပုံများ

ရိုးတွင်းချဉ်ဆီအထိ ညှော်တယ်။

ရေပွက်ပမာပါပဲ

ဘာမှမမြဲဘူးဆိုပြီး

အားလုံး စုတ်ပြဲနေချိန်မှာ

ဘုန်းကြီးပျံကို မီတဲ့သူနဲ့

ထီးတင်ပွဲမှာ ပိုက်ဆံကြဲသူနဲ့...

ချည်တိုင်နဲ့အဝေးမှာ

ဘယ်သူ ပျော်ရဲလဲ

အိမ်ပြန်ချင်တဲ့စိတ်တွေလည်း

ယမ်းနံ့တသင်းသင်းနဲ့

အသက်ကပြင်းတယ်။

လက်ျာဧ

#thevoiceofspring