"မနက်ဖြန်"

မိုးခိုနေတဲ့ တိမ်တွေ

အနားရောက်လာတဲ့ ကျည်ဆံတွေ 

အဝေးရောက်နေဆဲ ကိုယ်ချင်းစာတရားတွေ 

ပြန်စရာအိမ်လည်း မရှိတော့ဘူး 

ငါပိုင်တာလည်း မရှိတော့ဘူး 

နောက်ထပ်ဆုံးရှုံးစရာ ဘာရှိသေးလို့လဲ 

သူရဲကောင်းဆိုတာ 

အမှန်တရားက လွဲရင် 

အားလုံးကို စွန့်လွှတ်ရဲသူဖြစ်တယ် 

အလင်းရဲ့တန်ဖိုးဟာ 

အမှောင်ထဲမှာ ပိုတောက်ပလေ့ရှိတယ် 

မနက်ဖြန်ဆိုတဲ့ စိတ်နဲ့ 

အိမ်လွမ်းစိတ်ကို 

ညစဉ် ငါတို့ မီးဖိုခဲ့ကြတယ်

San Zuren 🌸