ခွန်အားစာ
စစ်ချီတေးတွေကိုလည်း မရေးစပ်ခဲ့ဖူးပါဘူး
ဓမ္မတေးတွေကိုလည်း မစပ်ဆိုခဲ့ဖူးပါဘူး
သေနတ်သံတွေကြားက ဆုတောင်းသံတွေအတွက်
လူသားချင်းစာနာမှုဆိုတာ
ကုန်းကောက်စရာတောင် မရှိလောက်အောင်
ရှားပါးလှတဲ့ ခေတ်ပျက်ကြီးထဲမှာ
အားငယ်သူ ကူပေးဖို့
သတ္တိကော်တရာ မရှိခဲ့လေရာ
လဲနေသူ ထူပေးဖို့
ခွန်အား အလျဉ်းပျက်ခြင်းမရှိ
ဆောင်းတွင်းအအေးဒဏ် ယှဉ်ပြိုင်ကာအံတုရင်း
အားပေးသောစာ ဒိုင်းကာပမာဖြစ်ရပါစေ
ရန်ဟူသမျှခွင်းမယ့် မြှားတစ်စင်းဖြစ်ရပါစေ
နာကြည်းမှုကနေအစတည်တဲ့
နာကျင်မှုတွေဟာ ဒီခရီးမှာအဆိပ်ပင်ဖြစ်လာခဲ့ရင်
ဖယ်ရှားပစ်ဖို့ အက်ဆစ်တစ်ခုဖြစ်ပါရစေ
ဆူးညှောင့်ကန်သင်း ရှင်းလင်းဖို့ရာ
အသွားထက်သော ဓားတစ်လက်တော့ဖြစ်ခွင့်ပြုပါ
တော်လှန်ရဲဘော်.....
ThaeNu
done
ReplyDelete