ရင်ထဲက စကားလုံးများ

ရင်ထဲက စကားလုံးများ

တို့အရေးလို့ အော်ခဲ့သူတွေ

လက်နက်ကိုင်ကြ

အာဏာဖီဆန်ကြ

ဇိမ်နဲ့မနေနိုင်တဲ့ CDM တွေ ရုန်းနေကြ

PDF တွေလှူဖို့ အခြေခံလူတန်းစားတွေ

နေ့စားလုပ်အားခတွေ စုပြီးလှူနေကြ

တချို့ နားကပ်တွေ ချွတ်လှူကြ

တချို့ အိမ်တွေ ရောင်းလှူကြ

တချို့ မြေတွေ ရောင်းလှူကြ

ဘယ်မလဲ လူချမ်းသာတွေ

ဘယ်မလဲ စီးပွားရေးသမားတွေ

အမြတ်တင်ဖို့နဲ့ ခေတ်ပျက်ဖို့ စောင့်နေကြ

သပိတ်တွေလဲ ဆက်မှောက်နေကြ

လက်လုပ်သေနတ်နဲ့  တိုက်ပွဲဝင်နေကြပေါ့

ငတ်တလှည့်ပြတ်တလှည့် CDM တွေ

ပြည်သူ့ ရဲဘော်တွေ

ဒါဟာ စကားလုံး မဟုတ်ဘူး 

ဘဝတွေ

အသက်တွေ ပေးခဲ့ကြရပြီ

ဘဝတွေ မရှိတော့ဘူး

အကျဥ်းထောင်ထဲက ပြည်သူတွေ

အကျယ်ထောင်ထဲမှာလည်း ပြည်သူတွေ

ဘယ်သူမှ မလွတ်မြောက်သေးဘူး

စကားလုံးနဲ့ မကူနဲ့

စကားလုံးနဲ့ အားမပေးနဲ့

စကားလုံးနဲ့ မတော်လှန်နဲ့

စကားလုံးတွေကို ပုံဖော်ကြ

လွတ်မြောက်ခြင်း စကားလုံး အတွက်

လွတ်မြောက်ဖို့ လက်တွေ့ တော်လှန်ကြပါတော့လား

San Zuren 🌸