Click4Tanintharyi

Breaking News

ခေါင်တိုင်ပြင်ရွာကို စစ်ကောင်စီတပ်တွေအင်အားအလုံးအရင်းနဲ့ ထိုးစစ်ဆင်၊ နှစ်ဖက်အပြန်အလှန်ပစ်ခတ်နေ

တနင်္သာရီတိုင်းမ်၊ ဒီဇင်ဘာ ၂၁ 

ထားဝယ်မြို့ကနေ ဆယ်မိုင်ဝန်းကျင်သာ အကွာအဝေးရှိတဲ့ မောင်မယ်ရှောင်ကျေးရွာအုပ်စုအနီးက ခေါင်တိုင်ပြင်ရွာကို စစ်ကောင်စီတပ်တွေ စစ်ကြောင်းထိုးဝင်ရောက်လာတဲ့အတွက် နှစ်ဖက်ထိတွေ့ပစ်ခတ်မှုဖြစ်ပွားနေတယ်လို့ ဒေသခံတွေကပြောပါတယ်။ 

ဒီနေ့မနက် ၉ နာရီဝန်းကျင်က စစ်ကောင်စီတပ်တွေ အင်အားအလုံးအရင်းနဲ့ ဝင်ရောက်လာပြီး သေနတ်သံတွေ ဆက်တိုက်ကြားနေရတယ်လို့ ဒေသခံတွေကဆိုပါတယ်။ 

၁၀ နာရီ ၂၀ မိနစ်အထိ သေနတ်သံတွေဆက်တိုက်ကြားနေရဆဲဖြစ်ပြီး ဒေသခံတွေထွက်ပြေးတိမ်းရှောင်နေရတယ်လို့ သိရပါတယ်။ 

စစ်ကောင်စီတပ်အင်အားအတိအကျနဲ့ အခြားအသေးစိတ်အချက်အလက်တွေတော့မသိရသေးပါဘူး။

The Tanintharyi Times