လူငယ်လေးတစ်စု
ခေတ်တိုင်းမှာ သူတို့ရှိတယ် ။
ဆေးလိပ်ကြိုက်တယ်
ကဗျာကြိုက်တယ်
လက်ဖက်ရည်ကြိုက်တယ်
စာအုပ်ကြိုက်တယ်
ဂန္တဝင်ဂီတကြိုက်တယ်
နောက်ပြီး
နိုင်ငံရေးကြိုက်တယ် ။
လူတွေက သူတို့ကို အရူးလို့ထင်ကြတယ်။
ကျောက်တောင်ကို
ကြက်ဥ နဲ့ပေါက်တဲ့အကောင်တွေတဲ့။
တချို့ကလည်း သူပုန်လောင်းလေးတွေတဲ့။
ဟိုလူကြီးကတော့ ဆူပူသူကျောင်းသားဆိုးတွေတဲ့။
ရွယ်တူတွေက အပေါင်းအသင်းမလုပ်ချင်ကြဘူး
လူကြောင်တွေတဲ့
ဝေးဝေးကရှောင် အမှုပတ်မယ်တဲ့ ။
မာက့်စ်ဝါဒကို သည်းခြေကြိုက်တယ်
ဖောက်ပြန်ရေးသမားတွေကို မုန်းတယ်
မူးလာရင် အင်တာနေရှယ်နယ် ဆိုတယ်
အချစ်ရေးတော့ကံခေကြတယ်ဗျ ။
အချိန်တန်တော့သူတို့တွေဟာ
သံတိုင်တွေ နောက်မှာ
တောတောင်လျှိုမြောင်တွေကြားမှာ
ဘာဆုလာဒ်မှမရဘဲ
ပျောက်ဆုံးကုန်ကြတယ် ။
လူမသိသူမသိ ပျောက်ကွယ်သွားတဲ့
လူငယ်လေးတစ်စုဟာ
ခေတ်တိုင်းမှာ ရှိခဲ့ဖူးတယ်။
-မောင်ငြိမ်းချမ်း
#poetryoflife
ညီလေးတို့ ညီမလေးတို့ကို အောင်မြင်မှု့တွေ အများကြီးရပါစေလို့ဆုတောင်းပေးပါတယ်
ReplyDeleteဟုတယ်နော်ဒါပေမဲ့အမတို့ကတော့pdfတွေကိုချစ်တယ်😘😘
ReplyDeleteGood
ReplyDeleteဘေးရန်ကင်းစွာပြန်လာပေးပါခလေးတွေရေ.အောင်ရမည်
ReplyDeleteHeroes will be remembered in heart.
ReplyDelete